1/12/2007

Erê ciwano

Bavê Elend

Erê riho êş û jano

Ev çi pat û çi tacano

Birîndaro bê dermano

Zû te barkir ax ciwano

Çem û kanî tev ziwa bûn

Dar û devî li ber ba bûn

Gelî û zinar bo te xwar bûn

Gorî te bim dilovano

Qeder hat û ecel pêre

Sed mixabin îro jêre

Bêzarî qey ma ji kêre

Bê bintaro ax ciwano

Bigrî Qamişlokê bigrî

Li ser Xalid gelkî bigrî

Sed heyf Xalid bûye mirî

Erê riho  bar girano

Ger namûsa dinyê hebî

Wê tim navê te têdebî

Ev qêrîn ji min bo te bî

Bigrîn qîzno bo ciwano

Ax Qamişlo îro xemilî

Bixwîna tenî gulgulî

Tevizîn her det û her tilî

Bi çûna te serhimyano

Ma ne tu bav û bira bû

Ma ne tu deşt û çiya bû

Beyreqek sipî nemabû

Çawa yu çû bê fîxano

Ta saxbim te ji bîr nakim

Bi rondika te ranakim

Lê çi b kim qey fêde nakim

Erê şêro hey berano

Ger dem çiqasî dirêj be

Te evîn kevn û ji mêj be

Wê tim ev dil mest û gêj be

Bi çûna te hey ciwano

الصفحة الرئيسية | أخبار | جريدة الوحـدة | جريدة الوحـدة pdf | التقارير السياسية

بيانات وتصريحات |  مختارات | إصدارات | وثائق | شؤون المرأة | أدب وفن | الأرشيف | من نحن

Rûpela despêkê - Nûçe - Rojnama Newroz pdf - Daxuyan - Gotar - Wêje û Huner - Kovara pirs pdf - Agirî - Dûse - Em kîne

Despêk 6-ê Gulana 2004-an

copyright© 2004-2005 yek-dem.com [Newroz]