Helbest: Sirûda kêlên dîrokê

29/3/2008

Sirûda kêlên dîrokê

Kamran simo Hedili

strana

evîndarên rojê û serkeftinê

şîniya

xeyalên Sîmirên çiyayî

dengbêjiya

mirinê vedigerînî jînê

herifandina

dîwarê virên asê

efsana

çîrok û çîvanokan

qibla kevneşopiyê

cejna

kuştina ejdehar

û hatina yêzdanan a warê arî

dîrok û rûmeta netewî

di bîrewariya te de

bi roniya darbesta gulan

tav rûyê rojê dadigire

şev giyan dide

tarî parçe dibe û tarî diberiqe

tav û hîv

bi Firat û Dîclê re

dirêjî goristanên Sumeran dibin

welat

di henasa dîroka te de şîn dibe

dergehên evîna dilê çiyan vedibe

tu vekirina kulîlkên vînê

û fedîkirina mirina xweşmêran î

afirandin hestên evîna azad

û ken Ahura Mazda yî

giriyê mirina Ehrîman î

narînî û nazeliya evînê

ji nav rûpelên dîroka kevzgirtî digire

tu newroz î

newroz evîn e û evîn newroza mezin e

niha bihara newroz û evînê ye

bihara

hawara Ferîdûn û asoyê dilsoz

raperiya

bihara pilingên çiya ye

bihara xwîn û talanê

bihara

tewafa şikefta Birîndaran

bihara

li kozik û çeperan ra berdana dilêriyê

dema

verişandina lûlên tivingan

û qêrîna maydana ye niha

dema

tofanên bêdeng û bahozên ker

pîrozkirina dûrûşmên agîdan

herika kurtepista

ji dayikbûna bêdengiyê ye

serhildana

di govenda jîn û mirinê de ye

dagirkarî û berxwedana

di reqsa tirs û wêrekiyê de ye

tu roja tifkirina

dem û dewranên derewîn î

tilî nîşandana

hostayê diyaletîka dîrokê

zaniyarên netewan

bijîşkên qiyametê yî

tu çirandina

rûpelên çarenûsa virek î

bi hatina te

çirûskên hêviya Qendîl

şagirdên Zerdeştê hemdem

li lûtkên çiyan

li zemînên deriyayê

bi germiya pîroz

bi êşên bêhempa

bi vejîna şewatê

gefan

li mirina çaxên rûreş dixwin

xêr û bêr û bereketê

li zeviyên hiş direşênin

ev xaka bûyî hêlîna

bala û serkeftinan

lanet û efsaneyên pîroz

ol û nebî

qewl û kilamên qedîm

li ber zayîna xêr û bêrê ye

Kurdistan

li bircên awazên me

di dema vejînê de ye

alên pîrozgehên me

li qolincên dil

li ba dibin

bêrîkirin û serkeftin

di awirên lehengiyên

lehengên Oremar û Zêyê Mezin de dizin

efsana

di bihara şer û evînê de

îro dema gotina sirûda te ye

newroz!

Kamran Simo Hedilî kî ye

Hedilî, di sibata 1955 de li gundê Hedilê ya bi ser navça Hezexê hate dinyayê. Di zaroktiya xwe de mala xwe bar dikin bajarê Batmanê. Di temenê ciwaniyê de dikevê nav tevgera azadiya Kurdistanê. Ji terefî dewlata tirk ve, du caran tê girtin. Di cunta eskerî ya 12.10. 1980 de bi hevalên xwe re derbasî Rojavayî Kurdistan û Lubnanê dibe. Xabata xwe li Rojavayê Kurdistanê didomîne, li wir jî ji terefî dewlata Surî ve têgirtin. Di amadekarî û xabata 15 ê tebaxa 1984 an a çekdarî de ji nû ve di nav tevgerkirina gel li Bakurê Kurdistanê cihê xwe digire. Li Rojhilatê Kurdistanê ji terefî dewlata خranê ve jî tê girtin. Kamran Simo Hedilî, li her çar parçên Kurdistanê, hem di nav xabata tevgerkirina gel de û hem di nav xabata artê‏ê de cihê xwe digire. Ji 1982 ve dinivîse, pê‏î bi tirkî dinivîsî. Pi‏tre bi kurdî dest bi nivîsandinê kir. Bi kurdî kurteçîrok, helbest, destan û lêkolînên wî di rojname, kovar û malperan

de hatine we‏andin. Kamran Simo Hedilî, endamê Pena Kurd a navnetewî ye. Vêga di rêvebariya خnstutyiya Kurdî li Stockholm xabata xwe didomîne. اar pirtûkên wî yên çapbûyî hene: Lorîna pênûsê, helbest, Civata giyanan, kurteçîrok, Ji Enfalê ‏eveke bêsibe, destan, Min deng ku‏tin, helbst. Du pirtûkên wî li ber çapêne: Helbest çi ye? lêkolîn li ser danasîna helbestê û Kîjan kulîlk çavên te ne?

Zarathustra News - zarathustra_news.comhem.se