Helbest: ENFAL - hemze cengo

26/6/2007

ENFAL

hemze cengo

Buhişte rojhilatî tû welatê şêr û mêrayî

Gula baxê cîhanî tu cihê paşa û mîrane

Hemi burc û kelat û hem sera û xan û eywanin

Şikeft û bar digel hev lê di îro ro de valane

Li ser min wa sitem barî nema min dîtin û zanîn

Li jor ewrê reş û tarî firok û gulle barane

Ji ezmana jehir barî mirin bo min diyarî bû

Bi xaza xerdelê m kuştin helebçe nav û nîşane

Li hawîr dor di raxistin jin û mêr gel keç û lawan

Mirîne bê rewanin ew li çolê bê kefen mane

Veşartin pir bi hevre kom di yek tirbê de bê telqîn

Çi faşistin! çi wêranker! ne dîn û ol û îmane

Wisa bûn leşkerê seddam gelek zor û sitemkarbûn

Bi zarokan re şervanin çi mêrin nav perîşane !!

Di enfala dedan ber xwe bi hezaran emdidan kuştin

Di kuweytê de belengaz bûn di nav lingê emêrkane

Nikarin leşkerê marênz pê û ligan di ramîsin !!

Zimanê wan kişa bû tev di nav qûmê de wek sa ne

Ezê çibkim nikarim wan xwedî topin firok û çek

Nikarim xweş bidim zanîn kurdistan hûr û hêrane

Me gazîkir limirovên baş nehat kes divê hewarê de

Tenê lomê dikin em li vê dinê ji birayê misilmane!

Xwyaye ku ji bîr kirne ewê qudsa we azakir

selaheddînê kurd bû ew serokê şah û sultane

qami‏şlo

1992/4/9