25/1/2008

Xwezya

abdisemed mehmûd ( bavê helbest )

diyarî ji bo birader

mihemed efîf alhuseynî

Xweziya mafê temen neba

Xwezya ew mêrxasî heba

Tirsa min şûrê civakê

Wê evîn ana berze ba

Xweziya min karîba bêjim

Ji herdû çavan dirêsim

Evînek serketî sipî

Wê bask û perê min heba

Xweziya ev dil biba firok

Yan girover biba gilok

Li ber ba li ber bahozê

Minê ew jê re şandiba

Xuezya li paşbana dîrok

Nû li min gerya ba zîzok

Şêrîna bejna helestê

Vînos û eştara miba

Xweziya ez nedûrê dûrbim

Di rewşêde kûrê kûrbim

Girêdana ziman vebî

wê tacek serê min heba

xwezya dil hemberî dil be

destê wê li ser yê min be

bela cîhan tev li ser be

wê evîn bide ser teva

Xwezya dema dibistanê

xwendin û gera biyanê

silav û name jêre ba

xame û pirtûka miba

pêdare bûka dimdime

şêrîne helbesta mine

ji yek tovî em hatine

yekin ji dê û ji bava

abdisemed mehmûd ( bavê helbest )

Qamişlo 19/1/2008

Helbestvan-98@hotmail.com

الصفحة الرئيسية | أخبار | جريدة الوحـدة | جريدة الوحـدة pdf | التقارير السياسية

بيانات وتصريحات |  مختارات | إصدارات | وثائق | شؤون المرأة | أدب وفن | الأرشيف | من نحن

Rûpela despêkê - Nûçe - Rojnama Newroz pdf - Daxuyan - Gotar - Wêje û Huner - Kovara pirs pdf - Agirî - Dûse - Em kîne

Despêk 6-ê Gulana 2004-an

copyright© 2004-2005 yek-dem.com [Newroz]