Pirtûkên Orhan Pamûk qedexe kir û bû walî

6/10/2007

Pirtûkên Orhan Pamûk qedexe kir û bû walî

(Zarathustra News)

Qeza Sütçülerê bi wîlayeta Ispartayê ve girêdayî ye. Kaymakamê wir, li hemberî xwediyê xelata Nobelê û nivîskarê navdar Orhan Pamuk, biryarek e fermî derxist. Kaymakam Mustafa Altınpınar dixwest pirtûkên Pamukî ji kutûpxaneyên bajêr bide hev û xwendina wan di kutupxaneyan de qedexe bike. Altıpınar ji beyanên Pamukî li ser qirkirina Ermeniyan hêrs bûbû û wî di axaftina xwe anîbû zimên ku, ew dixwaze pirtûkên Orhan Pamuk li cîhekî komî ser hev bike û wan bişewitîne. Beyana kaymakam bala gelek kesan kişand û li dijî wî lêpirsînek fermî dest pêkiribû.

Di şûna Altınpınar bê cezekirinê, wî îro xelata xwe bi şêweyekî îndîrek ji dewletê girt û Serekomarê Tirkiyê Abdullah Gül bi biryarnameyekî wezîfeya wî a nû îlan kir. Li gorî biryarnamê, kaymakam Altınpınar bû wekîlê Waliyê wîlayeta Gümüşhaneyê.