Reşîd Beravî di Şevbuhêrka 35 an de li Şamê

2/6/2006

Reşîd Beravî di Şevbuhêrka 35 an de li Şamê

Şêx Birîmce

Şam 27-5-2006

Li roja înê 26-5-2006 an di katjimêr 8 an îvarî de komîta amadekar ya Şevbuhêrkên kurdî li Şamê şeva xwe ya 35an li taxa kurdan li dirxist

Bavê Comerd Endamê komîte mamoste Reşîd Beravî pêşkêşî beşdaran kir.

Mamoste Reşîd gurzek ji helbestên xwe yên nûjen, kurt û kurtir, dora (15 helbest) nuh û Kevin bi awakî baş xwendin.

Biştî xwendinê rê li pêş guhdaran vebû tako têbîn, pêşniyaz û rexinên xwe bidin.

Ev şev dewlemend bû bi beşdarbûnê û bi danûstandinê li ser durv, naverok, awazê hebestan, li ser ziman û awaya rastnivîsandinê (rênivîs) gotinên hatine bikaranî (gundîtî û hevdemî) di helbestan de.

bi gelemperî şev û helestvan bi serketîbûn û cihê rêzdariya hemiyan bû.

Hêjayî gotinê ko em bêjin beşdarên vê şevê ji herdo aliyan mêr û jinan , bi jimareke mezin ji zimanhez, helbestvan , nivîskar rewşenbîr, rojnemevan û hunermendên ku li şamê dijîn.

şeva bê ya 36 an ne, di îna dawî ji meha hizêranê ye deye, şevek hunerî ye bi bûrandia çar saliya damezirandina vê komîtêye KOMÎTA ŞEVÊN

KURDÎ LI ŞAM

Ev çend helbest ji hebestên hatine xwendin.

Pencere

Du destên hêvîyan

Qanadên min ji hev dûr xistin

Du çavên evînê li jêr

Nerînên xwe jorde çekirin

Dilê min rabû ..!!

Lê bi lez wan destan, nerîn girtin,

Berdane dilê xwe ..!!

Heger wisaye

Hêvîya min ji herdû destan

Bi hêz bi min bigrin

Da babelîskên har

Bi qanadên min nelîzin..!!

Sêşem 4-2-2003

Bîra buharê

Di bîra buharê de

Min helbestek çand..!!

Sê gulan bi guçkên helbesta min girtin

Yekê bi peyvan

Yekê bi kêşê

yekê bi rêzbendê

Li ber awazên nemirîyê

Di çavên berbangê de êjandin…!!

Ji şahbûnare helbest kenî

Çavên xwendevanan hişyar kir.

Avdar 2003

Bişo

Bişo …!!

Derdan bi hêvîyan bişo

Eve Feratê xewnan

Ji hastên min û te

Bi gujguj diherike ..!!

Sozên kesk li rûyê rastîyê biçerpîn

Yan di hişê min de

Dînîtî li ser teltikêye ..!!

Bişo ..!!

Dê dengê dîdarîyê

Çavên baranê hişyar bike

Vedeng dê konê xunavîyê,

Bi ser min û te de vegirê..!!

Çirûskên hestan

(Di çemê çavan de)

1-TEşî

Du çavan

Bi zimanê evînê

Nernên xwe dilorandin ..!!

Ji hevre gotin:

( heger du çav hebin

Bi teşîya me birêsin

Dê jiyanek bizê ..!!)

Seşem 4-2-2003

2- guhê jînê

Nerînê çavên wê

Perda guhê jînê çirand

Evînek veciniqî ..!!

Ji nişkave

Xwe ji dil çekir ..!!

3- çav

çav ji çavan,

Dilan didizin..!!

Dil dibin girtîyên evînê

Evîn li ser rûpelên xwe

Wêneya ahînan digre..!!

1- Helbest

Helbesta min

Rabe bi hêz

Rabe bi lez

Jînê wergerîn

Ji hezarên salan de

Jîn bervajîye..!!

2- Mîvana xewnan

Mîvana xewnên min

Biskên buharê şeh dike

Ji mûyê newrozê kezîyên jînê

Kerasekî ji berfê

Bi ser bejna peyvên min de berdide

Mîvana xewnên min

Ji hestên min meste

Mîvana xewnên min helbeste..!!

Gurintî

Ji tirsa gurintîyên çavên te

Min xwe di çavên te de veşart..!!

Sê ramûsan li çemelê dîdarîyê bişkivîn

Li tîrêja birûskê siwar bûn

Bi lez di ser pira demê re buhûrîn

Bûn kuçên agirê bîranînê

Argûnê hêvîyan peyda bû

Dil di hundir çavan de

Li ser wan kuçan kelîya

Nizanim…!!

Li berbangeke buharî ?!!

Yan li êvarekê

Dema ji hewrên xweşîyê

Ken dibarî?

Min û te

Me hev ra …kir .. .!!

Min û te

Me hev ra …mû …!!

Nikanim bibêjim

Çi bikim…?!

Fedî derdê merdaye …!!

Hîn dil di argûnê hêvîyan de,

Li ser wan kuçan dikele

Tu ji ber alewîyê revyayî

Te got:

((jiyan li gel te peyyalek ji derdaye,

Nikanim vexum))

Tu çûyî …!!

Ne germahîya çavên te ma

Ne jî şevbuhêrên serxwaş

Ji ber gotinên min û te li wan dema

Bes di bîra min de navê te ma…!!

SÎHAMAH

Ji tayê nerînên te

Ez hêvîyan dirêsim…!!

Tu di xewnên min de dijî

Her sibeh tu dibî Ferat

Diherikî cane min

Pêlê li dû pêlê,

Li rûyê hestên min diçerpînî

Gujguja kenê te,

Dibe awaza jînê ..!!

SÎHAMAZÊRÛZERÎYA min were

SÎHAMAHÛRÛPERÎYA min were

Dilê min guleke sor tîne sema

Helbestek ji gulê rodibe

Biser min de werdibe

Were ji çavên evînê re

Awaza nemirîyê lêxîn

Da ew çav, nebin xewmaş û xewar

Were berî dem ji bîra avî bireve

Were da helbest were

Tu were ji bo Xweda ..!!

Ez dê werim,

Ji bo roniya di çavên te de…!!

-7-2003.