Ji Medîa Kurdî helwestek bi wate: Parastina Kemalîzmê ne karê namzetên kurda ye

14/7/2007

Ji Medîa Kurdî helwestek bi wate: Parastina Kemalîzmê ne karê namzetên kurda ye

(Zarathustra News)
Li Tirkiyê hilbijartina parlementoyê nêzîk dibe. Berendamên kurd dê serbixwe tevlî hilbijartinan bibin. Gelê Kurd xwe li dora namzetên xwe dest didine hevudû ji bo ku wan bikin wekîlên xwe û dengên xwe. Lê hinek kes ji wan namzetan bi beyanên xwe diyar dikin ku ew ji xizmeta berjewendiyên Gelê Kurd bêhtir, dê bibin lêkolînêr û li ser Kemalîzmê kur bibin. Paşê bibin parezgerê sînorên mîsakî mîllî ûhwd.

Mafê Kemalîzmparêza tune ye ku bi dengê kurda bibin parlementer û paşê li dijî berjewendiyên Gelê Kurd bixebitin. Li hemberî kesên wisan wezîfeya Medîa Kurdî ew e ku bê deng nemîne û Gelê Kurd înforme bike, li ser lîstikên wan zaniyariyê belav bike.

Ji Medîa Kurdî "Rizgarî Online, Kurdinfo.com, Gelawêj.org, Serbestî org, KurdistanWEBB, Beroj.com , Rojakurdistan.com, Serhed.net û Zarathustra News" li hemberî berendamekî wisan gavek bi wate avêtin û bi daxûyaniyekê rûniştvanên Amed ê li ser dîtin û armancên Aysel Tuğluk ê agehdar kirin. Û ji xelkê xwestin ku bê helwest nemînin. Banga wan wisan e:

Gelên Amedî yên niştimanperwer,

http://www.rizgari.com/kampanya/Hûnê di 22 temûzê de biçin ser sindoqê dengdanê û ew kesên ku dê we di parlamentoya Tirkîyê de temsîla we bike hûnê bi dengên xew helbijêrin. Ji ber pirsgirêka bendê, hilbijartina kesên serbixweyên demokratên welatparêz ketîye rojevê. Yek ji van namzetan jî Aysel Tugluk e. Tugluk, di 27 ê Gulan ê de bi hevpeyvînekî bi rojnama Radikalê re pêş helbijartinê bîr û rayên xwe gelek eşkere anîye ziman û nasnama xwe dîyar kirîye. Tugluk, Kemalîzm û Mistefa Kemala ku di dîroka jîyana hurîyetê de giştê neheqîyan li ser netewa me rewa dîtîye û her wiha pirsa Kurd bi qetlîyama bindest kirîye, wiha pesin kirîye:
“Mistefa Kemala motîfa xelasker, xeyala dîrokî û mezinahîya çalakbûna wî xwe dîyar kir û dê dîyarbibe jî. Ew mûcîzeye ke, nemir e. Di rêya netewebûyînê de sitûna bingehîn e. Di hişê hevbeş yê gelê Tirk da Sevr û xeyala xelasker a mezin bi enerjîyekî bi hêz derket holê..“
Aysel Tugluk a bi vê zihnîyetê ku xwe wek Kurdeke niştimanperwer û şoreşker dide nasîn, dixwaze bi dengê te biçe parlementoyê.
Gelê Amedî yên welatparêz,
Nasnama vê kesê ku wek namzetekî Kurd danîne pêşîya we bi eşkere ewhaye. Ji bilê ku li Amedê bihezaran kesên birêz yên cefakar, wefakar û gelek bedelan dane hene namzeta yekê wiha gelek manîdar e.
Dîyare ku çûyîna kesên wiha bo meclîsa Tirkîyeyê dê di cîhê parastina mafên gelê Kurd de, parastina Kemalîzm û Mîsaq-î Mîllî ya Tirkîyeyê be. Mirovên dewleta Tirk gelekin, pêwistî bi bêrêzkirina dengên welatparêzan tuneye ku yên nû bişeyînin. Pêwistîya gelê Kurd bi kesên ku mafê gelê Kurd, li her derî doza Kurd eşkere, durust û cesaret diparêze heye.
Ji bo wî jî em kesên ku li jêr îmzayên wan hene; ew kesên wek Aysel Tugluk ê Kemalîst û piştgirê dewleta Tirk, ku Kemalîzma ku bi havêna red, înkar û ji holê rakirna gelê me, Kurd û Kurdistan hatîye hevîrkirin diparêze û Mistefa Kemal a ku dijminê doza neteweya me ya serekeye wek Xuda qebûl dike, ji destpêkê ve duruşma teslîmîyet û kêmdîtinî “Ji bo Tirkîyeyê soza me heye” û binpê kirina giştê berketîyên me ji bo xwe bingeh girtîye û qesta hebûna wî kirîye, bi dengên xwe boykot bikin.
Dibê dengên we ne ji bo Kemalîstan be!..Ji bo namzetên serbixwe yên ku bi rastî welatparêz, demokrat û durustanra be!! .