Hêzên Ewlekarî û Tenahiyê li Silêmaniyê rê nedan xwepêşandana Kurdên Rojhilatê bihê lidarxistin

8/8/2005

Hêzên Ewlekarî û Tenahiyê li Silêmaniyê rê nedan xwepêşandana Kurdên Rojhilatê bihê lidarxistin

A. Rêvîng. Silêmaniyê

Hêzên Ewlekariyê teqeya hewayî ji beşdarên xwepêşandanê kirin

Seet 10’ê Sibêdeya roja 05.08.2005’an parek ji Kurdên Rojhilatê Kurdistanê ku ji 400 keç, kur, jin û mêran pêk dihatin, li bajarê Silêmaniyê xwestin xwepêşandaneke piştgiriyê ji Kurdên Kurdistana Îranê bikin û her wiha armanac wan eva bû ku bi xebat û bûyerên vê dawiyê yên bajarê Kurdistana Îranê hevxemî û hevderdiyê bikin. Armanca wan piştevanî ji serhildana gelî ya li Rojhilaê Kurdistanê bû. Di dema kurt ya meşê de dirûşmên piştgiriyê ji bûyerên Kurdistana Îranê hatin avêtin.

Mixabin hêzên Ewlekarî û tenahiyê nehêlan ku meş bihê lidarxistin. Meş aştiyane bû û berê jî izna wê hatibû standin. Hêzên Ewlekariya Hikûmeta Herêma Kurdistanê Teqeya hewayî ji xwepêşanderên Kurd yên Rojhilatê Kurdistanê kirin. Hêzên Ewlekariyê bi teqandian guleyan meş ji hev belav kirin.