KOKTEYLA PÎROZKIRINA 20-SALIYA SARA'yê

1/12/2007

KOKTEYLA PÎROZKIRINA 20-SALIYA SARA'yê

(Zarathustra News)

Roja 15-12-2007'ê, wê 20-saliya damezirandina Pirtûkxaneya Kurdî - SARA'yê were pîrozkirinê. Li vê êvarê wê nûnerên Amnesty International'ê, akademisyenên swêdî, nivîsevan û rojnamevan ji medya swêdî û kurdî beşdar bibin. Êvara kokteylê navbera 13:00 ta 22:00 berdewam dike. Li programa êvarê: pirtûk, govar, wêne, bade û çêj (tilltugg) heye.
Rêvebirê SARA yê Goran Candan li ser projeyên SARA yê pêşerojê wisa axifî:

" Armanca nêzîk a Pirtûkxaneya SARA'yê bi erkdariya Sazendeya Pirtûkxane & Muzexaneya Kurdî li Stockholmê damezirandina yekemîn Pirtûkxaneya Kurdî Gelêrî ya li Amedê ye. Li ser vê riyê kar û xebat berdewam dikin. Ev xebat li buhara 2008'ê (Newroz), encam digire.

Li bernameya WEŞANÊN NÛ YÊN KURDÎ ya SARA'yê du pirtûkên kurdî yên nuh hene, ku li nav sala 2008'ê derdikvin:
1- Mela Mehmûdê BEYAZIDÎ/ Adat û Rusûmetnameyê Ekradiye / (Karê Wergerandina ji tîpên erebî ser latînî: Goran Candan. Mela Mehmûdê Beyazidî 1797 li Bazîdê hatiye dunyayê. Vê xebata xwe jî li salên 1850 kiriye.)
2- Çîroka Folklorî ya Kurdî ÇOLO, ku ji devê Hemîdê Cano (92-salî) hatiye tomarkirinê."

Navnîshana Pirtûkxaneya Kurdî SARA yê ev e: Dalag.41, Odenplan-STOCKHOLM. Kesên bixwazin dikarin bi rêya telefonê têkiliyê bi Candan re deynin: 00 46 (0) 70 791 36 06.