21/8/2007

ÊLA KOÇERÊ BOTAN .

BEXT REŞÊ KOÇER

Naskirina Êlê .

Êl tê naskirin bi bavikekê yan bi yêkitiya hêjmarek bavik û yan bi yêkitiya hêjmarek êl .

Û hinge êla hêjmara bavik û êlên wê gelkekbin ew êle bihtir dikare .

1- fermandariyê li herêmek fireh bike .

2- Berevaniya xwe bike dijî sîtem û êrîşên biyanî .

3- Parastina rêzik û edet û filoklorên xwe yên kevnare bike ji qirbûn û wendabûn û guhertinê .

Ev pêşgotine li ser hemî êlên Kurdan tê belavkirin û bi taybetî êla Koçerên Botan , ya emê neha li ser bi axivin .

Êla Koçerên Botan du hevbendin .

Hevbenda yekem ji wan re dibêjin ÇOX SOR , û ev hevbende di hundirê xwe de pênc êlên mezin hembêz dike , ew êle .

MÎRAN , DÛDÊRAN , GARISAN , ALIGAN , SORÎ û ev hevbende hatiye damezirandin bi serokatiya MÎRAN .

Hevbenda duyem ji wan re dibêjin ŞILID û ev hevbende jî di hundirê xwe de pênc êlên mezin hembêz dike , ew êle .

BATWAN , XÊRIKAN , TEYAN , MÛSAREŞAN , KIÇAN û ev hevbende jî bi serokatiya BATWAN hatiye damezirandin .

Û ev dara henê xweşik van gotinan şîrove dike .

Koçerên Botan

______________|________________________

| |

Çox sor Şilid

| |

________________________ ___________________________

| | | | | | | | | |

Mîran Dûdêran Garisan Aligan Sorî Batwan Xêrikan Teyan Mûsareşan Kiçan

Ji van êlên Koçerên Botan evên me bizman anînin emê tenê li ser êla MÎRAN bi axivin .

MÎRAN .

Wek me diyarkirî MÎRAN êlek ji êlên Koçerên Botane ji hevbenda Çoxsore û wek ew didin xwiyakirin dibêjin em kevnarên Kurdanin û em Kurdên resenin û tişta di pê van gotinan esehî dikin , dibêjin bingeha me ji Cizîra Botane û Cizîra Botan di nîva Kurdistanê deye û ev sedemek serekiye ziman û gerdêş û rêzik û edetên me hatine parastin ji wendebûn û guhertinê .

Û sedema boşbûna êla MÎRAN û mêrxasî û lehengiya zilam û mêrên wan , êla MÎRAN fermandarî li herêmek gelekê fireh dikir û ji sînorê herêma cizîra botan derdiketin û ji ber jiyana wan bihtir li ser xwedîkirina pezbû , çêra pezên wan li kî deverê peyda bibya li wir xwe digirtin bê kes bikare bersivan wan bide .

Ji ber vê yekê zivistana xwe didan li beriyê û di beriyê de diçûn heya dighan li çiyayê şingalê , ji ber erdê ras û germê û ji wan deverên Koçerê MÎRAN li ziviztanê xwe lê digirtin û lê diman heya buharan , TIL KOÇER , GIRÊ FATE , KOZ û HEMO KER ev devere hemî bi wan hatine navkirin .

Û havîna dîsa li Cizîra Botan û zozanên wê vedigeriyan ji ber

hînikbûna xurista wê û zengînbûna wê bi hemî corên geya û kulîlkan û av û kaniyên wê yên herî zehif û pezên xwe li palên çiyan û li ber kevên av û çeman di çêrandin .

Û ev rêjîme her wisa MÎRAN her sal berdewam dikir , heya dawiya şerê cîhanê yê yekem û şikestina dewleta Osmanî li ser destên dewletên hevbend û gihiştina wan li , li hevhatina Saykis Bîko û parçekirina wan û danîna sînorên siyasî ji herêmê re .

Û neha Koçerên MÎRAN belavin li herêmekê di navbera sînorê

Iraq û Sûryê de .

Herêma wan li Sûryê ji Rimêlan dest pê dike heta dighe raserî bajarê Dêrika Hemko û gundên wan yên li Sûryê Sewêdî , Sêgira , Girzîro , Girasor , Tepqa , Besta Sûs , Qereçox , Kaniya dirêj , Girkendal , Til Xenzîr , Kelha Deham , Quldûman .

Û herêma wan li Iraqê ji Rebîe’a dest pê dike heya dighe raserî bajarê Zaxo , û gundên wan yên li Iraqê , û tişta me divê em bidin xwyakirin gelek gundên wan li Iraqê bi bavikên wan têne navkirin ji wan gundan .Tawos , Îsigan , E’lyogan , Masegan , kelha E’merê Salih’ .

Çi êla , çi kesên , çi rêwingiyê dan û standin û hevjîn bûn bi êla MÎRAN re kirin tim nêrînek baş li ser wan birine û tim ji wan re bûne pesindar û tim sipasiya MÎRAN kirine li ser arîkariyên MÎRAN bi wan re kirin û ji şehadeta yên bi êla Koçerên MÎRAN re dan û standin û hevjînbûn kirin êla Koçerên MÎRAN aştî xwazin dijî sîtem kariyêne ji arîkariyê hezdikin û dilovan û dil nazikin û gelekê qedrê mêvanan digrin û merd û kerîmin û gelekê ji pîrekên xwe hezdikin û pîrekên wan hinek azadî li cem peyda dibe û rêzgirtina extiyarên xwe dikin .

Ji berhemên wan nîrên zehmet yên di ser êla Koçerên MÎRAN de derbas bûyîn , Koçerên MÎRAN esehî dikin ku ew êlek xuyahîne ji hemî êlên Kurdan û bê goman hê xwediyê civakek resenin di rêzik û gerdêş û e’detên xwe de .

06 . 05 . 2006

Sewêdiyê

Emîl : bextres@naseej.com