EZ ( JÎ ) KURD IM !! LÊ TENDURISTIYA APO NE YA MIN E ( JÎ ) !!

26/5/2007

EZ ( JÎ ) KURD IM !!

LÊ TENDURISTIYA APO NE YA MIN E ( JÎ ) !!

Mervanê keleş

Mervan111@hotmail.com

Di jiyana milletan de pir caran WÊREKÎ û ‏‏dengê zelal û bêtirs û bi bilindî ji zanyariyê jî pêwîstir û bi sûdtire !!

EV demeke ku layingirên PKK ê bi durişmeke DIRINDE û SEQET dîsa dest bi çalakiyekê kirine ew jî ev e : ” tenduristiya APO tenduristiya gelê Kurd e ” !!

MA gelo dema tenduristiya gelekî bi tenduristiya kesekî ve girêdayî be !! Ma ew nayê wateya ku mirina wî kesî jî mirina wî gelî ye ? Îcar ev durişme çiqasî barûte ye ? Û xeşîmiya kesên li pişt wê diyar dike ! Yan jî dîmoxaciya wan ku dixawzin pê millet bixapînin û girêdayî xwe û nezaniyê bi çi buhayî be bihêlin berz dike ?

DEMA hebûna milletekî bi hebûna kesekî ve girêdayî be ma wê gavê ew gel ne beramberî qirkirineke xwezayî ye ? Û têkçûna wî nêzîk û li serê sikakê ye !? Îcar ev durişme dîsa çendî mîrat û bêbext e ?!

LI gorî dîroknasan milletê Kurd ev bêhtirî 3000-4000 hezar sal in ku hebûna xwe dûmandiye ! Îcar di nav wan salan de çendîn kesatiyên Kurd yên zana û qehreman hem xwezayî û hem bi kuştinê jiyana xwe winda kirine ? Lê dîsa jî vî milletê gewr e temenê xwe pêşve biriye û gihandiye vê serdemê .

Îcar ev çi hewar hewara vala ye ku li dar xistne ?

JI dîroka nêzîk , ma APO ji MALBATA BEDIRXANIYAN , Şêx Mehmûdê Hefîd , şêx Seîd , Simko , Qazî û Barzanî ku tev îroj ne li nav me ne , ma ew ji tevan berztire dema em li herkeskî li gorî dema wî lê binerin ? Çima tenduristiy û mayina gelê Kurd bi koç kirina wan nemiran ji nav me têk neçû ?!

ÊDÎ şerm e dev ji vî gelê perîşan berdin û bese pêşeroja wî li ber wî rewrewkî bikin û wî mijûlî kêşeyên bê wate û kesperestiyê bikin !!

DI çerxa îroyin de millet hebûna kes diparêze ne kesatiya kes millet li pê dihêle . Helbet kesatiyên ramyar bawndora xwe li dîrokê dikin, bêhtir di dema berê de . Lê îroj dem dema pisporî û MÛESSESATA ye , yanî dem nema dema efsanwarî û sûppirmana ye !

KURD her hebûn û her wê bimînin û ew hebûn ne girêdayî îdyolojiyên şimûlî ( tevayî ) ye ! Sofîtî û parastina kesheziyê û tekkesiyê binpê bû ye û ji xwe berê jî xwehezan bi îdyolojiyên tevayî jiyana milletan serûbinî hev kirine û mînakên nêzîk : Stalîn , Hîtler , Mao , Franko , çawçîsko, Markos , Polpot, Esed û Seddam li ber çavan in !!!

:::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

Ingilistan

11/ 05 / 2007.

Têbînî :

1- Mirovên girtî kî bin yan ji ber çi sedmê girtî bin gereke mafên wan yê mirovane binpê nebin û danûstendin li gel wan pêwîste di çarçeva peymana mafê mirova de be !

2- Berî demekê nameyke elktronî ( E-Mail) bi zimanê Erebî ji min re hat ku tê de gef li min hatibûn xwarin ku gereke ez êdî li hember PKK ê û serokê wê bêdeng bim û devê xwe bigirim, yana ew ê bi ” ŞÊWEYIN DIN ” nêzîkî min bibin û li jêra wê (LÎNKA )

Malpera Hêza Parastina Gel heye ! Min ew li ser sêlikekê parastiye û kopiyek jê radestî polîsê Ingilîzî kiriye ! Bila TEVGER Û REWŞENBÎRÊN Kurd jî haya wan bi taybet li Rojava ji wê gefxwarinê hebe!! Û ev gotara min jî bersiva wê gefê ye !!

Bala xwe bidê nê ew li gel Tirkên FA‏‏ŞÎST di agir bestê de ne lê gefan ji nivîskarekî Kurd re dişînin !!