Partiyên Kurdî û Kurdistanî wan êrîşên tîroristî li ser gundên Şingal pirotisto dikin

21/8/2007

Partiyên Kurdî û Kurdistanî wan êrîşên tîroristî li ser gundên Şingal pirotisto dikin

Di roja 14/8/2007’ an de , çend tîroristên xwekuj û hov êrîşên dirinde bi çar otombîlan ve berdane ser gundên Kurdan Girê Ezîz, û Sîba şêx Xidir li Herêma Şingal. Mixabin ku ewan êrîşan, ev gund ji ser û bin hilweşandin û bêtir ji 500 şehîd, û 375 birîndar ji Kurdên Êzîdî li şûn xwe hiştin..

Ev êrîşên tîroristî li ser vê herêmê di demekê de pêkhatin, ku miletê Kurd li Kurdistana Başûrê azad dijî û Hukûmet û Perlemanê Kurdistan doza cî bi cî kirina xala 140’ê ji Destûra İraqê dikin. Ew xala, ku dozê dike herêmên Kurdî yên dervî sînorê Kurdistan (Kerkûk û şingal û hwd) vegerînin û têxin bin desthilata Herêma Kurdistan de, ku xelkên Kurd li van herêman, çi Êzîdî û çi misilman û file, tev bi yek dengî vî dozê dikin û bi xurtî li kêlek pirojeya siyasî ya dîmoqratî disekin û bi tûjayî li dijî pîlanên tîroristan disekinin. Lewma ew jî bûne armanc ji tîroristan re, ewên ku ji mirovatiyê û şaristianiyê bi qûnaxan dûr in.

Em nûnerên partiyên Kurdî û Kurdistanî li Herêma Kurdistanê, vî karê rûreş û dirinde protisto dikin, û xwe dibînin hevbeşê êş û şîna xelkên xwe yên Êzîdî ku vê karasetê ew kirin qurbana azadî û dîmoqrasiyê. Herwiha em banga raya giştî û miletên yekgirtî û yekîtiya ewrûpî û hemî heskerîn azadî û dîmoqrasiyê dikin ku li kêleka miletê me yê kurd bisekinin û alîkariya malbatên şehîd û birîndaran bikin û dengê xwe bilind bikin li dijî tîrorê ku bûye nexweşiyek navdewletî û bê sînor. em ji van hêzan dixwazin, ji hikûmeta İraqa federal daxwaz bikin, ku herci zûtir xala 140’ê cî bi cî ke, daku miletê Kurd xwe bi xwe biparêze.

Em nûnerên partiyên Kurdî û kurdistanî serxweşiya xwe pêşkêşê Serokatiya Herêma Kurdıstanê , malbatên Şehidan, û hemû kurdên Êzdî dikin .

Rûhê wan şad, cîyê wan beheşt be .. Mirin ji tîrorist û xwînrijan re.

----------------

- Hizba Demoqrata Kurdistana Îran

- Partiya Sosyalista Kurdistan-PSK

- Partiya Demoqrata Kurdî li sûriya (Elpartî)

- Partiya Azadî Kurdistan-PAK

- Partiya Welatparêzên Demokrat-PWD

- Partiya Demoqrata Pêşverûya Kurd li Sûrî

- Partiya Yekitiya Demoqrata Kurdî li Sûrî-yekîtî

-Partiya Yekîtî Kurdî li Sûrî

-Rîkeftina Demoqrata Kurdî Sûrî

- Sazumana Xebata Kurdistana Îranê.

- Partiya Azadî Kurdî li Sûrî

- Partiya Demoqrata Kurdistan-Bakur