YADÎ BI BÎRANÎNA ŞANZDEHSALIYA ŞEHÎDÊ NEMIR Dr. EBDUREHMAN QASEMLO

15/7/2005

YADÎ BI BÎRANÎNA ŞANZDEHSALIYA ŞEHÎDÊ NEMIR Dr. EBDUREHMAN QASEMLO

Em bi rêz mamosteyê demokrasiyê, alim û rêberê mezin têkoşer, şehîdê nemir Dr. Ebdurehman Qasemlo û hevriyên wî bi bîr tînin.

Dr. Ebdurehman Qasemlo û hevriyên wî şanzdeh sal berê, bi êrîşek terorîstî, bi biryara mejîtariyên destgemarî hatin şehîd kirin. Ew di demeke ku ji bo miletê kurd û ji bo hemû kêmnetewên Îranî bûbû hêviyeke mezin de, hat şehîdkirin.

Şehîdkirina Dr. Qasemlo qelsî û têkcûna dijmin ya li hemberî bîr û raya azad û demokratîk eşkere dike. Bîr û baweriyên wî rewşenbîrê mezin aştî, azadî û demokrasî niha bûne projeya demokratîzekirina Rojhelata Navîn û tarîtiyê ronahî dike.

Bi xwîn xwêdan û qaremaniya şehîdên nemir, li Başûrê Kurdistanê miletê kurd, bi yekîtiya netewî dîktatoriyê roxand û dewleta xwe ya azad û demokratîk damezirand.

Ji bo rûmetgirtina bîr û baweriyên şehîdê nemir, ji bo berdewamiya doza Dr.Qasemlo, ji bo serkeftinê û ji bo bidestxistina mafê çarenûsî yekîtiya netewî pêwîst e.

Dr. Qasemlo û hevriyên wî ji bo ku miletê kurd bigihîje mafên xwe yên netewî û demokratîk bi qaremanî têkoşîn dan û gihîştine karwanê şehêdên azadiya Kurdistanê. Ew li her çar beşên Kurdistanê wek şehîdên nemir û rêberên doza pîroz tên bi bîranîn û di dilê miletê me de dijîn.

Baweriya me bi miletê kurd, bi heval, hevrê û hemû kadirên ku bi bîr û

baweriyên nemir Dr. Qasemlû hatine perwerdekirin heye ku ew dê bêrawestan

doza mafê miletê kurd heta serkeftinê bidomînin.

Sehîd namirin. Bila giyanê wan yê pak û pîroz şa be!

Mizgîniya azadiya hersê beşên Kurdistanê ne dûr e.

Bijî yekîtiya miletê kurd.

KOMÎTEYA HEVKARIYA HÊZÊN SIYASÎ YÊN KURD Û KURDISTANÎ LI SWÊDÊ

13/7/2005