Izedîn Şêxo Hesen - Xatirê dawîn ji gel û hevalên xwe xwest - Pariya Yekîtî ya demokrat a kurd li Sûriyê-Yekîtî-

4/8/2007

Izedîn Şêxo Hesen

(Bavê Ahmed)

Xatirê dawîn ji gel û hevalên xwe xwest

(1946-2007)

Roja Înê, 27/07/2007, dilê heval Izedîn Şêxo rawestiya. Ev nûçeya xemgîn û dilêş, di nav xelkên Tirbespiyê û Devera Aliyan de zû belav bû, bi beşdariya cemawerekî mezin, digel dost, heval û hogirên wî, digel Koma Tirbespiyê ya folklorê kurdî, termê wî di gorstana gundê Girdêmê Helîmê de hate veşartin.

Hevalê Izedîn, sala 1946 an, li gundê Girdêmê Helîmê ji dayik bûye û di sala 1965 an de, tevlî rêzên tevgera kurdî bûye, ji dil û can, xebateke bê rawestan di ber doza gelê xwe ya dadmend de kiriye. Ji ber xebat û dilsoziya wî, ta roja dawîn ji temenê xwe, rûmeta endametiya Komîta Hermê di Partiya xwe de, partiya yekîtî ya demokrat a kurd li Sûriyê –YEKÎTÎ-wergirtibû.

Bi navê rêxistina Tirbespiyê ya partiya me, partiya yekîtî ya demokrat a kurd li Sûriyê-Yekîtî-, em serxweşiya xwe, gelê xwe, malbat, dost, heval û hogirên wî dikin, tika dikin ku xwedê rewanê wî yê pîroz bi buhuşta xwe ya rengîn şa bike, aramiyê bide malbat û mirovên wî.

Rêxistina Tirbespiyî ya

Pariya Yekîtî ya demokrat a kurd li Sûriyê-Yekîtî-

28/07/2007