Beyannameya Damezrandina Hevkarîya partî û rêxistinên Kurdistanî li Hollanda

29/5/2007

Beyannameya Damezrandina Hevkarîya partî û rêxistinên Kurdistanî li Hollanda.

Tevî silavek şoreşgerî ve;

Di bin ala berza Kurdistan û bi rêzgirtina xwîna paqij ya nemirên rîya rizgarîya Kurdistanê ve, ev partî û rêxistinên Kurdistanî ku li jêr navên wan nivisandîne, li ser pêşniyar û vexwendina Lijna Navçeya Hollanda ya Partî Demokratî Kurdistan ve û bi sipasîya alîkarîya hemû alîyan ve piştî du civînên li Buroya Partî Demokratî Kurdistan li Amsterdam di rojên 7-4-2007 û 29-4-2007 bi hawek serketî karibûn belavoka ragiyandina avakirina Hevkarîya Partî û Rêxistinên Kurdistanî bikin.

Bi amaca pirtir li hev nêzikbûn û bi hevre karkirin û li ser bingehê her çar perçeyên Kurdistanê yekrêzbûna gelê me û ber bi pêşvebirina doza gelê me li Ewropa bi giştî û bi taybet jî li Hollanda û bi hev nêzikkirina civata Kurd li vî welatî.

Cîyê pê bawerîyê ye ku guftûgoyek baş, bi haweyek demokratîk bîr û pêşniyarên guhertinan ve Peyrewa navxwe ya Hevkarîyê hat amade kirin, her weha hemû endamên amadebûyî peyman dan ku bi hemû hêz û karînên xwe ve ji bona serketin û pêşvebirina Hevkarî bixebitin.

Nemry û serberzî ji bo şehîdên Kurd û Kurdistanê!

Tim bilind be ala berza Kurdistan!

Her ber bi pêşva ta serketina yekcarî!

Bijî Kurd, bijî Kurdistan

Navên Partî û Rêxistinan :

1 Partîya Komunîsta Kurdistan

2 Yekîtî Niştimanî Kurdistan

3 Yekgirtûyî Îslamî Kurdistan

4 Yekîtî Neteweyî Demokratî Kurdistan

5 Partî Demokratî Kurdistan

6 Partî Karî Serbexoyî Kurdistan

7 Partî Zehmetkêşanî Kurdistan

8 Partî Sosyalîstî Kurdistan

9 Partîya Demokrata Kurdistan/ Bakur

10 Partîya Azadîya Demokrata Kurdistan ? Demokratên Şoreşger

11 Tevgera Demokratîka Kurdistan- Tevger

12 Partî Demokratî Kurdistana Îran

13 Partî Azadî Kurdistan

14 Komeley Şoreşgeranî Zehmetkêşanî Kurdistan

15 Partî Demokratî Kurd li Sûrya /El Partî

16 Yekîtîya Demokrata Kurd li Sûrya / Yekîtî

17 Partîya Azadîya Kurd li Sûrya

18 Partî Demokratî Kurd li Sûrya

HEVKARÎ

Partî û Rêxistinên Sîyasî Kurdistanî li Hollanda