26/4/2008

De...Em rewa bikin Fîdan û Erxewanên xwe

Mizgîn ( Hesko ) Mehmûd

Diyarî: Ji Hêmen Kurdaxî re

Ji bîhna xêzan

Awazek tijî şewat

Beşdarî zemawenda nîgaşê dibe

Gelo...çendîn zevî û rûbarên Kurdaxê şêrîn in

Weha jî taxên Qamişlo

Û kolanên Tirbespîka me!

De a...v bide Fîdanên xwe

Helbestvano.

Em ê Gulgenimokên xwe rewa bikin

De...

Berê  siwarên xwe

Berbi asoyê ve bibe

Emê ...berê Hespên kedî

Berbi jîngeha Xwedawendên paye bibin.

Rojekê wê ...

Lêvên asîman

Bilerizin

Li ber westana me.

Dê rojekê...

Giyakî matmayinê

Ze...r bibe

...çi şêrîn e

Demsalên çinîna me.

Ji bîhna serûd û nimêjan

Ta goranî

Lawik

Û sitranên şîndariya me...

Ji hilma Baba Tahir

Ta bilindgoya Xaniyê me.

Berê me li rojê ye

Li ateşgeha Zara ye

Li laleşa nûrani ye

Li xaka Pêxembera ye

Li buhişta dozê ye.

Ji mistek axa sor

Cendekê me

Hatiye afrandin

Çi bi hêz e

Bîhna axa me.

Tijî rehên jînxwazin

Çi pîroz e

Tovê vejîna me!!

......Erêêêêê..Helbestvano

“Sewlî dihejin , hêranî bi pelên Zeytûnê dikevin

û bi refan direvin “

Sipîndarên tî dihejin, hêranî bi pelên Hinarê dikevin

Û bi refan diqurmiçin

Giyan diheje, hêranî bi hest dikev e

Û bi refan tarûmar dibe.

Kurdistan diheje, hêranî bi Kurdan dikeve

Û bi refan serhildanê dikin

“ Xwîna min, ya ku di her mirinekê de jî ez im”

berbi çar aliyan ve diherike

Erêêêêê xwîna me

“ hîn em dûrin ji xwîna xwe”

hîn ji devê barbangê

Zeytûn û Hinar

Pelên xwe davêjin

Ji lewra

Di rewrewk û tariyê de dijîn

Fîdan û Erxewanên me.

Hîn ji devê barbangê

Em ezber dikin

Sêwîtî

Bê xwedîtî

Û erêêêê

Şeydabûna xwe.

16.04.2008  Bad Salzuflen (almaniya)

الصفحة الرئيسية | أخبار | جريدة الوحـدة | جريدة الوحـدة pdf | التقارير السياسية

بيانات وتصريحات |  مختارات | إصدارات | وثائق | شؤون المرأة | أدب وفن | الأرشيف | من نحن

Rûpela despêkê - Nûçe - Rojnama Newroz pdf - Daxuyan - Gotar - Wêje û Huner - Kovara pirs pdf - Agirî - Dûse - Em kîne

Despêk 6-ê Gulana 2004-an

copyright© 2004-2005 yek-dem.com [Newroz]